ও মোর বানিয়া বন্ধু রে
একখান তাবিজ বানেয়া দে।
একখান মাদুলি বানেয়া দে।
ওরে মরিয়া গেইছে বিয়ার সোয়ামী স্বপনত আইসে।।


যে জন সোনার বানিয়া হয়
নিক্তিত করি সোনাকোনা মোর
ওজন করিয়া দেয়।
ও মোর সাধের বানিয়া রে
ও মোর ভাবের বানিয়া রে
ওরে সোনা-রূপা মিশিল করি
একখান তাবিজ বানেয়া দে।।


হাতের নিলু মোর কোছার নিলু
ঠকালু মোক নিধুয়াতে
জাত মারিলু লোকের কথাতে।
ও মোর ভাবের বানিয়া রে
ও মোর সাধের বানিয়া রে
ওরে দিবার চা'য়া নাকের নোলক নাই দিলু মোরে।।